အလုပ်အစည်းအဝေးပထမပိုင်းကို သာသနာပိုင်ချုပ်ကြီး စတီဗင်သန်းမြင့်ဦး (ဥက္ကဌ၊ မခသက) မှ သဘာပတိအဖြစ် လုပ်ဆောင်ခဲ့ပြီး (၁) သင်းလုံးကျွတ်အစည်းအဝေး ကိုယ်စားလှယ် အမည်စာရင်းခေါ်ယူခြင်း၊       (၂) အစည်းအဝေး ကိုယ်စားလှယ်ကိုယ်စားပြု (Proxy) လက်ခံခြင်းနှင့် လေ့လာသူများလက်ခံခြင်း၊ (၃) သင်းလုံးကျွတ်အစည်းအ‌ဝေးကြီး၏ တိုးချဲ့အဖွဲ့ (၁၄) ဦးအား လက်ခံခြင်း (မဲပေးပိုင်ခွင့်ရှိသူများ)၊ (၄) အလုပ်အစည်းအ‌ဝေးအစီအစဉ်လက်ခံခြင်း၊ (၅) မခသက၊ ဥက္ကဌမှ အဖွင့်မိန့်ခွန်းပြောကြားခြင်း၊ (၆) ဘုန်းတော်ဝင်စားသွားသော ပုဂ္ဂိုလ်များအား ဂါရဝပြုလျက် အောက်မေ့သတိရခြင်းနှင့် ဆုတောင်းခြင်းကို သိက္ခာတော်ရဆရာဒေါက်တာဇော်ဝင်းမှ ဆုတောင်းခြင်းဖြင့် အလုပ်အစည်းအဝေးပထမပိုင်းကို ရုပ်သိမ်း၍ နေ့လည်စာ သုံးဆောင်ကြပါသည်။

အလုပ်အစည်းအဝေး ဒုတိယပိုင်းကို ဂိုဏ်းချုပ်ဆရာတော်ကြီး ဒေါက်တာဦးမြတ်ဆန်းမှ သဘာပတိအဖြစ် ဆက်လက်ဦးဆောင်ခဲ့ပါသည်။ (၇) (၈၉) ကြိမ်မြောက် သင်းလုံးကျွတ်အစည်းအဝေးမှတ်တမ်းဖတ်ကြားခြင်းနှင့် လက်ခံအတည်ပြုခြင်း၊ (၈) မှတ်တမ်းမှ ပေါ်ပေါက်သော ကိစ္စရပ်များ၊ (၉) အထွေအထွေအတွင်းရေးမှူးအစီရင်ခံစာ၊ (၁၀) ဗဟိုကော်မတီမှ ထောက်ခံတင်ပြခြင်း၊ (၁၁) ပြည်သူ့ဆက်ဆံရေးကော်မတီ အစီရင်ခံစာ၊ (၁၂) အဖွဲ့ဝင်အသစ် စိစစ်ရေးကော်မတီအစီရင်ခံစာတို့ကို ဝိုင်းဝန်းဆွေးနွေးကာ အဆိုပြုခြင်း၊ ထောက်ခံခြင်းများနှင့်အတူ အားလုံး လက်ယာလက်ပြကာ သဘောတူဆုံးဖြတ်ခဲ့ကြပါသည်။ Online မှ ပါဝင်သော သာသနာပိုင်ဒေးဗစ်ညီညီနိုင်၏ ဆက်ကပ်ဆုတောင်းကောင်းကြီးပေးခြင်းဖြင့် တစ်ရက်တာ အလုပ်အစည်းအဝေးအစီအစဉ်အား အောင်မြင်စွာ ရုပ်သိမ်းခဲ့ပါသည်။