ကျွန်ုပ်တို့၏ ချစ်လှစွာသော လုပ်ဖော်ဆောင်ဖက်ဖြစ်သူ ဆရာကြီး Rev. Dr. Ngurliana၊ အသက် (၆၁) နှစ်သည် ခရစ်တော်၌ အိပ်ပျော်သွားပါကြောင်းကို ကြားသိရသောကြောင့် ကျန်ရစ်သူ မိသားစု၊ လုပ်ဖော်ဆောင်ဖက်များနှင့် ထပ်တူ ခံစားရပါသည်။
ဆရာကြီးသည် မိခင်အသင်းတော်ကြီး၏ တာဝန်များအပြင် မြန်မာနိုင်ငံခရစ်ယာန်အသင်းတော်များကောင်စီ၏ တစ်လုံးတစ်ဝတည်းဖြစ်ရေး လုပ်ငန်းများ နှင့် Christian Conference of Asia (CCA-Chiang Mai) ၏ သာသနာ့ လုပ်ငန်းများတွင် ပါဝင်ပေးဆပ်၊ ဆက်ကပ် လုပ်ဆောင်ခဲ့သူဖြစ်ပါသောကြောင့် ယခုလို ရုတ်တရက် ခွဲခွာရခြင်းအတွက် အစားထိုးနိုင်ခြင်းမရှိ ဆုံးရှုံးခြင်းအတိဖြင့် လွန်စွာ ဝမ်းနည်းကြေကွဲရပါကြောင်းကို ဖော်ပြလိုပါသည်။
ဝမ်းနည်းကြေကွဲလျက်ရှိသော ကျန်ရစ်သူ မိသားစုနှင့် လုပ်ဖော်ဆောင်ဖက်များအပေါ်သို့ ဘုရားသခင်၏ ငြိမ်သက်ခြင်း၊ နှစ်သိမ့်ခြင်း နှင့် ကောင်းကြီးမင်္ဂလာကြွယ်ဝစွာ သက်ရောက်ပါစေဟု ဆုတောင်းမေတ္တာပို့သအပ်ပါသည်။
